وبسواعد الرجال وعزيمة الابطال كملت مصر العمل وكلها امل في تاريخها المعاصر ودارت عجلة البناء لتحقيق الرخاء في كافة ارجاء مصر وكتب المصريون فصل مضيئ جديد من فصول ملحمة التحدي ومن إنهاء تنفيذ محور قوص علي النيل
شريان أمل جديد بصعيد مصر .. وخصوصاً بمحافظة قنا … محور قوص علي النيل بيربط مدينة قوص شرق النيل بمدينة نقادة غرب النيل ومساره بيبدء من الشرق بكوبري علي الطريق الصحراوي الشرقي له مطالع ومنازل بتساعد في الحركة المرورية التبادلية للمتجه للاقصر واسوان جنوبا وقنا وباقي محافظات الصعيد والقاهرة شمالا وكمان للمتجه لسفاجا في اقصي الشرق وبيكمل المحور اتجاه الغرب وبيمر بكوبري اعلي ترعة حجازة وبكوبري اعلي ترعة البراوات وكوبري تاني اعلي كوبري ترعة الكلابية واعلي الطريق الزراعي الشرقي القاهرة اسوان وبرضوا له مطالع ومنازل بتحقق الربط المتكامل لخدمة الحركة المرورية التبادلية بين المحور والطريق الزراعي الشرقي ويمتد المحور ويمر بثلاث كباري متتالية اعلي مصرف حجازة و ترعة الكلالسة ومصرف قوص ويعدي بعدها فوق كوبري اعلي خط سكة حديد القاهرة اسوان ليعبر بعد كده نهر النيل الخالد بكوبري هو الأطول من بين كباري النيل التي تم انشائها حديثاً بطول ٩٦٠ متر ليمتد غرب النيل ويمر بكوبري تاني فوق الطريق الزراعي الغربي القاهرة اسوان وينتهي مسار المحور العملاق بكوبري اعلي الطريق الصحراوي الغربي …. محور قوص محور عملاق تم تنفيذه بنظام الطرق الحرة بدون أي تقاطعات سطحية يعني بيمر فوق طرق رئيسية وفرعية كتيرة وترع ومصارف وممرات ومراوي مائية وسط الأراضي الزراعية اتعمل لكل ده انفاق وكباري علشان تسهل حركة المشاة لأهالينا وبرابخ ومساقي توصل وتربط شمال المحور بجنوبه لخدمة الأراضي الزراعية
المحور مكون من ٣٠ عمل صناعي ما بين ١٥ كوبري و١٥ نفق بطول ١٩ كم وعرض ٢١ متر بعدد ٢ حارة مرورية لكل اتجاه وبتكلفة ١ مليار و ٥٢١ مليون جنيه
كان الهدف من انشاء محور قوص انه يحقق الربط بين شبكة الطرق الطولية بشرق وغرب النيل ويسهل الحركة المرورية وربط المدن والقري شرق وغرب النيل وخصوصا بين مركزي قوص ونقادة طبعاً واضافة مهمة لتنمية الحركة السياحية بمحافظة الأقصر اللي بتبعد ٤٥ دقيقة عن المحور ده غير تنمية المناطق الصناعية شرق النيل وخدمة الحركة التجارية والصناعية بمصنع سكر قوص ومصنع الورق ومطاحن مصر العليا ومصنع اسمنت قنا ده غير المنطقة الصناعية بمدينة قفط شمال محور قوص مباشرة واللي بتضم ٩٢ مصنع وبتوفر عمالة مباشر اكتر من ٧٢٠٠ فرصة عمل ومنطقة الصناعات الحرفية المشهورة بصناعة الفركة والجريد والفخار والحصير بمدينتي قوص ونقاده بالإضافة الي االتنمية والاستثمار في مشروع المثلث الذهبي كل دي كيانات صناعية عملاقة شاحنات داخلة وشاحنات خارجة وعجلة انتاج دايرة بعمال وموظفين شغالين حميناهم من مخاطر المعديات النيلية اللي اتلغت ومبقتش موجودة في مدينة قوص ونقادة ده غير استصلاح الأراضي الزراعية شرق وغرب النيل .
المحور اتسمي باسم الشهيد الرائد باسم فكري ابن مركز قوص كلمسة وفاء وتكريم لأحد أبطالنا البواسل حماة الوطن وعرفان بالجميل
انجاز هندسي استلزم بنائه مليون متر مكعب من الخرسانة واكثر من ٢٠٠ الف طن من الحديد
أمل عمره ما كان هيتحقق من غير جهود ٤٠٠٠ مهندس وفني واصلوا العمل ليل نهار علي مدار عامين وثمانية آشهر والآنتهاء من تنفيذه قبل موعد تسليمه في فبراير ٢٠٢١ تحت اشراف الهيئة العامة للطرق والكباري التابعة لوزارة النقل
ويعد كوبري النيل هو درة الاعمال الصناعية بمحور قوص صرح هندسي عملاق يتضمن حارتين مروريتين لكل اتجاه ويمتد لنحو ٩٦٠ متر ليصبح هو الأطول فوق نهر النيل من بين محاور النيل التي تم تنفيذها بالآونة الأخيرة وبعرض ٢١ متر ويتميز بفتحة ملاحية علي النيل لتسمح بعبور اكبر السفن التجارية والسياحية.
يبدو الكوبري كلوحة جمالية هندسية تعكس التطلعات المصرية في حقبة مفعمة بالإنجازات
وهكذا يحيل المصريون التحديات الي فرص ويخلقون من الفرص امل جديد يحقق حلم التنمية المستدامة من خلال المزيد من الشرايين المرورية والطرق المحورية لخلق نهضة تنموية وبيئة حضارية تليق بأمة مصرية مازالت تستحق الكثير امل جديد علي ارض مصر
