الاستخدام الأساسي للفريزر في المنزل هو الحفاظ على الطعام لأطول فترة ممكنة من غير ما يتلف أو طعمه أو رائحته تتغير
لكن ظبطه على درجة حرارة غير مناسبة ممكن يخلي الأكل يتلف
وكمان التعامل الغلط مع الفريزر ممكن يؤدي لتلفه
💡 إزاي نظبط درجة الحرارة؟؟
بتختلف طريقة ضبط كل جهاز عن التاني بحسب نوعه
أوقات بيكون بإستخدام بكرة و أوقات تانية بإستخدام زرار
علشان كده حاول دايمًا تقرا الكتالوج أو كتاب الإرشادات الموجود مع التلاجة
لو كنت بتفتح الفريزر بصورة مستمرة، ففي الفترة التي هتعمل فيها كده حاول تظبط درجة الحرارة على الدرجة الأقل
وبعد كده رجعها للدرجة الأساسية خصوصًا في فصل الصيف
💡 طيب ايه هي المشاكل اللي ممكن تحصل بسبب تغير درجة الحرارة؟
تغيير درجة حرارة الفريزر بصورة مفاجئة ممكن يكون سبب لنمو البكتريا بالطعام المُجمد أو ذوبانه أو تلفه
علشان كده لازم نفضل محافظين على إن الطعام يفضل مُجمد وفي درجة حرارة مناسبة
💡 إزاي ننظف الفريزر؟
في مجموعة نقط الالتزام بها هيحافظ على العمر الافتراضي للفريزر وكمان هيحافظ على كفاءته زي مثلًا:
✅ إنك تفصل الفريزر من الكهرباء، وبلاش تنظف أي جهاز وهو متوصل في الكهرباء من الأساس .
✅ حاول تشيل كل الثلج منه، ويفضل إنك تسيب الثلج يذوب لوحده
✅ متحاولش تستخدم أي أداة حادة داخل الجهاز لأنك ممكن تتسبب في تلف الطبقة الداخلية أو تلف الفريزر نفسه
✅ بلاش تستخدم الماء الساخن مع الفريزر، ولو الثلج كتير ممكن تحط طبق ماء ساخن تحت الفريزر وتسيب البخار يدوب الثلج
✅ ما تستخدمش سلك التنظيف الخشن مع جسم الفريزر، علشان ما تخدش السطح الخارجي ليه
✅ حاول تنشف الفريزر بعد تنظيفه بقماشة قطن
💡 أهم نصائح تخزين الطعام بطريقة صحيحة:
تخزين الطعام بصورة سليمة بيحافظ على الطعام نفسه من تكوين طبقة ثلج فوقه والحفاظ عليه من نمو البكتريا، وكمان الحفاظ على الفريزر نفسه من وجود أي روائح كريهة
✅ تغطية الأطعمة كلها قبل وضعها في الفريزر وتفريغها من الهواء على قد ما تقدر، وبلاش تشيل الطعام من غير مايكون متقفل كويس لأن ده ممكن يغير طعمه ولونه ويتجمع الثلج عليه
✅ بلاش تخزن الأكل جوه أكياس سوداء، وحاول تخزنها في أكياس شفافة علشان تقدر تتعرف عليها بسهولة بعد كده
✅ اكتب تاريخ التخزين على كل كيس طعام بتخزنه، لأن مش كل الأطعمة ممكن تتخزن لنفس المدة
لو في أكياس طعام فيها مياه، خليها في الجزء السفلي بالفريزر، علشان المياه ما تنزلش على باقي الأطعمة
✅ رتب الطعام بطريقة تسهل عليك الوصول له واستخدمه بحسب تاريخ تخزينه، يعني استخدم أقدم حاجة شيلتها الأول قبل ما ينتهي تاريخ صلاحيتها
سلوكيات بسيطة لكل الاجهزة المنزلية هتفرق معاك في الاستهلاك وتوفر في الميزانية 👍
👍 تابعنا على مختلف منصات التواصل و وقت ما تتواصل أتأكد إن صوتك أكيد هيكون واصل 😊😊
تويتر
https://twitter.com/EEHCSM
يوتيوب
https://www.youtube.com/c/EEHCSM
انستجرام
https://www.instagram.com/eehcsm
لينكد إن
https://www.linkedin.com/company/eehcsm
ساوند كلاود
https://soundcloud.com/eehcsm
وزارة الكهرباء و الشركة القابضة دائماً معكم
