نوع الفريزر وكفاءته بتؤثر على كمية الطاقة اللي هتستهلكها المُجمدات، وبالتالي على فاتورة الكهرباء
سواء الديب فريزر رأسي أو أفقي او مدمج مع الثلاجة فكل نوع ليه إستخدام وكمان إستهلاك مختلف للطاقة
ولكن خلينا نسأل السؤال المهم، هل الفريزر تشغيلة مُكلف؟
الاجابة : اه
حتى لو انت لسه مشتري ديب فريزر جديد بأعلى كفاءة طاقة A وكمان بيشتغل بتكنولوجيا الأنفرتر الموفرة للطاقة، هيكون استهلاكه للتشغيل من الطاقة تقريبًا ٣٥ كيلو وات ساعة في الشهر، يعني ٤٢٠ كيلو وات في المتوسط سنويًا، وطبعًا كل ما الموديل يكون قديم كل ما هيكون الاستهلاك أكبر وأكبر
وبالرغم من كده، ده رقم ممكن كتير مننا يعتبره قليل، ولكن بالمقارنة مع تكاليف تشغيل الأجهزة المنزلية الأخرى، فممكن يبان فرق التكلفة.
التكلفة السنوية لتشغيل الديب فريزر تعادل:
تكلفة تشغيل تليفيزيون ٤٠ بوصه ٨ ساعات في اليوم لمدة ٣ سنوات.
تكلفة تشغيل جهاز كمبيوتر محمول لمدة 18 عامًا.
تكلفة تشغيل غسالة الصحون لمدة سنة ونصف.
تكلفة تشغيل ثلاجة بفريزر علوي متوسط لمدة سنة.
تكلفة تشغيل مروحة ستاند ١٦ بوصة ٤ سرعات ٨ ساعات يوميًا لمدة عامين.
دلوقتي وبعد ما عرفنا الديب فريز ممكن يستهلك طاقة قد ايه، خلينا نشوف ازاي نحافظ عليها وماتزيدش
تجنب الإفراط في التبريد:
كل ما درجة الحرارة اكتر برودة، كلما زادت الطاقة اللي بيستهلكها الفريزر.
درجة الحرارة المناسبة هي -١٨ درجة مئوية
و إذا كان ذلك ممكنًا ، فقلل درجة حرارة المجمد لتقليل تكاليف تشغيله.
تجنب كثره فتح الباب:
تقليل عدد مرات فتح الفريزر هيكون سبب في تقليل استهلاك الطاقة
بيستهلك الفريزر كهرباء اكتر عند التبريد النشط (فترة عمل الماتور)
وكل ما تقل كمية الهواء البارد المتسرب هيقل معاه الوقت اللي محتاجة الماتور علشان للبقاء في درجة حرارته المحددة
أبعد عن مصادر الحرارة:
تؤثر المنطقة المحيطة بالفريزر على استهلاكه للطاقة وفترة تشغيله
علشان كدة الفريزر الموجود بجوار البوتجاز ، وأجهزة الميكروويف، وما إلى ذلك، بتخلية محتاج إلى العمل وقت أكبر علشان يحافظ على البرودة
الفريزر الموجود بعيد عن ضوء الشمس والاماكن الاكتر برودة هيستهلك كمية أقل من الكهرباء، ونتيجة لكدة هتكون تكلفة التشغيل أقل.
سيب مسافة:
الفريزر بيشتغل على تشتيت الحرارة
إذا كانت الحرارة العاليه موجودة قريبة منه، فبكرة هيستهلك طاقة أكتر من الطبيعي علشان يحافظ على البرودة، وبالتالي فاتورة كهرباء أعلى
للحفاظ على انخفاض الفاتورة، اتأكد من وجود تدفق هواء كافٍ حول الفريزر
وده معناه ترك مسافة ١٠ سم على الاقل حول الجهاز ، خاصةً من ظهر الفريزر
واتأكد من دليل المستخدم الخاص بالفريزر الخاص بك لمعرفة المسافات الموصى بها
واللي كمان ممكن تلاقي فيه نصائح لتوفير الطاقة مع إرشادات التشغيل.
لا تنسى المكثف:
تساعد المكثفات الفريزر على تبديد الحرارة، ولكن تراكم الأوساخ والغبار عليها يمكن يقلل من كفاءة الفريزر
تنظيف المكثف هيساعد في ضمان الحفاظ على انخفاض كمية الطاقة المُستخدمة في تشغيل الفريزر
لا تجمد الطعام الدافئ:
استنى الاكل يبرد الاول
وضع الطعام الدافئ مباشرة في الفريزر بيكون سبب في زيادة درجة الحرارة الداخلية
بمجرد ما تعمل كده، هيدخل الفريزر في وضع التبريد النشط، وعلى الاغلب كذا مره، لخفض درجة الحرارة الداخلية مرة تانيه
و ضع التبريد النشط بيستهلك كمية كبيرة من الكهرباء، على سبيل المثال:
اول لما تشغل الفريزر، بيحصل زيادة مفاجئة في سحب الطاقة وفي اغلب الاوقات بتكون أكثر من ضعف استهلاك الطاقة للفريزر
ولو استنيت لغاية ما الاكل يكون بنفس درجة حرارة الغرفة قبل التجميد إلى تقليل كمية الطاقة المُستخدمة في التشغيل
لو قدرت تجدد متكسلش:
أغلب الاجهزة الحديثة، خصوصًا الحاصلة على اعتماد ENERGY STAR، بتكون مجهزة بكمبروسرات ومكثفات عالية الكفاءة، وعزل وتصميم محسّن، ده غير آليات التبريد التانيه اللي بتوفر في الطاقة
تابعنا على مختلف منصات التواصل و وقت ما تتواصل أتأكد إن صوتك أكيد هيكون واصل
تويتر
https://twitter.com/EEHCSM
يوتيوب
https://www.youtube.com/c/EEHCSM
انستجرام
https://www.instagram.com/eehcsm
لينكد إن
https://www.linkedin.com/company/eehcsm
ساوند كلاود
https://soundcloud.com/eehcsm
وزارة الكهرباء و الشركة القابضة دائماً معكم ترشيد الطاقة نصائح ارشادات الكهرباء اجهزة منزلية فريزر الصيف
